Skrifið ekki barnamál í mbl.is!

Þetta er ótækt málfar í íslenskum miðli: maður og kona klesstu á hvort annað.... Það er eins og barn hafi skrifað þetta, þetta er hreinasta barnamál. Þið á mbl.is verðið að umgangast tungumálið með virðingu, ekki gera ykkur sek um sóðaskap sem þennan. Ég veit að það er enginn prófarkalestur á þessari ritstjórn og það er algjörlega ótækt. Þetta er ekki ykkar mál, blaðamannanna, ekki ritstjóranna, þetta er mál okkar allra, skylda ykkar gagnvart lesendum er að málfarið hjá ykkur sé boðlegt - en mikið vantar upp á að svo sé. Það hefði ekki tekið lengri tíma að skrifa: karl og kona rákust saman í miðri skíðabrekku en það hefði kostað dálitla umhugsun og umfram allt máltilfinningu, sem blaðamenn á mbl.is virðist skorta sárlega upp til hópa.

Árekstur skíðafólks í Austurríki

Athugasemdir

[Benni (IP-tala skráð) 1.1.2009 kl. 21:16]

Sammála þér.

 Þetta er Morgunblaðinu til skammar!!

 Skyldu þeir hafa mismunandi titla, blaðamenn,, blaðakonur, fréttamenn og fréttakonur???

[Gísli Sigurðsson, 1.1.2009 kl. 21:39]

Nákvæmlega það sem mér datt í hug. Ég sá líka eina spurningu í Íslandsspilinu þar sem spurt var um: ,,á hvaða fjall klessti flugvél árið 1947 með þeim afleiðingum að allir um borð létust?"  Þetta finnst mér eins og bloggara vera svona barnamál.

[Heidi Strand, 1.1.2009 kl. 21:40]

Gleðilegt ár Þorri og takk fyrir það liðna.
Flott grein hjá þér í Mogganum um daginn þar sem þú svaraði Pólyönnu blaðamannastéttarinnar.

[Þorgrímur Gestsson, 1.1.2009 kl. 23:06]

Það er gaman að sjá hvílíkum viðbrögðum svona athugasemd um málfar veldur. Aðeins örfáir höfðu heimsótt bloggið mitt núna í kvöld en eftir að athugasemdin birtist hafa um 400 manns litið á það! Þetta sýnir að mörgum er alls ekki sama um tungumálið okkar og hafa vakandi áhuga á því. Sjálfur fór ég á blogg Gísla Sigurðssonar og komst þar að því að hann hefur sjálfur gert athugasemdir við málfar, sem olli því að mbl-menn hafa tekið sig til og leiðrétt villuna. En þarna er aðalvandinn (fyrir utan slaka máltilfinningu) að prófarkalestur vantar.

[GG (IP-tala skráð) 1.1.2009 kl. 23:19]

Þegar að ég vann á skíðasvæði þá var þetta kallað að lenda í "samstuði" og gerðist það nokkrum sinnum, en sem betur fer komust allir heilir út úr því.

Man eftir einu tilviki sem leit út fyrir að vera alvarlegt en þegar að var komið þá var það eina sem skaddaðist eða eyðilagðist var hjálmurinn sem að hún var með, en hann brotnaði.

Sýnir manni alltaf, að það borgar sig að nota viðeigandi öryggisbúnað.

[steinn jónsson (IP-tala skráð) 1.1.2009 kl. 23:51]

En ef þau "klesstust" við áreksturinn?

[Guðrún Ólafsdóttir (IP-tala skráð) 2.1.2009 kl. 01:12]

Sæl öll!

Ég er alveg innilega sammála ykkur!  Mér þykir fátt jafn leiðinlegt og lesa illa og vitlaust skrifaðar greinar og fréttir.  Hér áður fyrr bar ég ákveðna virðingu fyrir Morgunblaðinu en í dag finnst mér þeir verða sér til skammar oft á dag með því bæði að skrifa eitthvað rugl og skrifa það vitlaust í þokkabót.

Auðvitað liggur ritun misvel við fólki og allt það en ég hefði haldið að það ætti ekki að vera mikið mál að láta renna yfir það sem maður hefur skrifað áður en maður ber það á borð fyrir alþjóð.

[Kristbergur O Pétursson, 2.1.2009 kl. 08:23]

hahaha...gleðilegt ár Þorgrímur!

[Bjarni (IP-tala skráð) 2.1.2009 kl. 09:20]

Ertu alveg fucked up í hausnum? (smá sletta... bara fyrir þig!)

Ástæðan fyrir því að svona margir hafa lesið þetta fokking heimska blogg þitt er!

Titill færslunnar er nú "Árekstur skíðafólks í Austurríki"... þeir klúðruðu amk ekki fyrirsögninni eins og þú hr. "óvirkur blaðamaður"!

"Skrifið ekki barnamál í mbl.is" Held að þú ættir aðeins í að líta í eiginn barm... í mbl.is? Skrifar maður í mbl.is? ekki Á vefsetrinu mbl.is... eða Á fréttmiðlinum mbl.is... hvað andskotans Í á þetta að vera...

 Ég þekki menn eins og þig. Ég vorkenni börnunum þínum.

[Bjarni (IP-tala skráð) 2.1.2009 kl. 09:21]

Ástæðan fyrir því að svona margir hafa lesið þetta fokking heimska blogg þitt er að þú ert fáviti... og gerðir ansalega fyrirsögn sem vakti athygli. Gimp!

[Ingunn (IP-tala skráð) 2.1.2009 kl. 11:17]

obbossí... skrifaði Bjarni fréttina semsagt? eða var það kannski pabbi hans..?

Málfar blaðamanna á mbl.is er hrikalegt. Stafsetningavillur, málfarsvillur og svo einfaldlega asnalegar villur eins og að skrifa sömu setninguna tvisvar eða að endurtaka eitt orð 15 sinnum í einni stuttri frétt (man eftir einni sérstaklega slæmri frétt þar sem orðið lögreglumaður kom fram í öllum nema einni eða tveimur setningum fréttarinnar). Það mætti kenna þeim í blaðamennsku 101 að það er gott að lesa texta yfir svona eins og einu sinni áður en maður sendir hann frá sér...

Ég er ánægð með þetta blogg - vonandi les höfundur fréttarinnar þetta (hvort sem það er þessi Bjarni eða einhver annar) og tekur það til sín. Mætti jafnvel áframsenda það til samstarfsfélaga sinna.

[Kristbergur O Pétursson, 2.1.2009 kl. 19:31]

Bjarni, þú ert svo ansalegur.

[Þorgrímur Gestsson, 2.1.2009 kl. 20:41]

Já,þetta er það sorglega við bloggið að þar skrifa ýmsir sem ég leyfi mér að kalla fávita og virðast fá undarlegum kenndum sínum útrás í eireri iðju. En við megum ekki kippa okkur upp við það. Í er forsetning sem er fullgild hér góurinn (ég meina þennan Bjarna). Að öðru leyti er þetta stórkostlegur miðill og vonandi skrifa í framtíðinni sem flestir athugasemdir við það sem ég skrifa - en af fullu viti þó!