Ríkisstjórnin er að fara með okkur út í fen fátæktar

Hefur ríkisstjórn Íslands ekki frétt af þessu? Hún skar hressilega niður í öllum málaflokkum í gær. Til menntamála, til heilbrigðismála, til verklegra framkvæmda. Er þetta ef til vill finnska leiðin - að skera allt niður þar til atvinnulífið og allt kerfið hrynja? Stefnir ríkisstjórnin þjóðinni út í fen fátæktar og örbirgðar? Hvers vegna hikar fólk við að gera allsherjar uppreisn? Og hvar eru auðævi olígarkanna íslensku sem keyrðu þjóðfélagið í þrot???

Ég hélt að ríkisstjórnin væri að vinna í samráði við Alþjóða gjaldeyrissjóðinn! Hvers vegna hefur hann þá ekki kippt í taumana?

Athugasemdir

[molta, 21.12.2008 kl. 14:36]

Ríkistjórnin er vandlega undir stjórn IMF, minni á að seðlabankastjóri birti eitt af skilyrðunum (flest vitum við ekki hver eru), en þar var sagt að stýrivextir færu í 18% og hærra ef þarf.  "Þarf" ti hvers, er svo önnur spurning, en það sem við "þurfum" er greinilega ekki það sama og það sem hinir þurfa.

[Guðmundur Björn, 21.12.2008 kl. 14:50]

Jæja Þorgrímur.  Alltaf í móðursýkiskasti? 

[Þorgrímur Gestsson, 21.12.2008 kl. 16:28]

Það er einmitt það sem ég meina - þess vegna spyr ég, "molta". Hins vegar vil ég spyrja Guðmund Björn hvað hann meinar með "móðursýkiskast". Notar hann það orð yfir allt það sem er ekki í þágu stjórnvalda. Ég spyr vegna þess að á síðu sinni bannar hann allt "vinstrisinnað tuð".  Mér finnst að menn sem geta ekkert annað en reynt að lítillækka fólk ættu bara að halda sínum skrifum fyrir sig.